JUNI BERSEMI

Pagi, semburat senyumu

Menyibak heningnya dunia

Dedaunan berseri tertawa riang

Bermahkotakan embun, pemberi kesejukan dunia

Pagi, sorotlah jiwanya

Biarkan dia temanimu

Mengisi rasa heningmu

Menyapa dunia penuh pesona

Berteman langit, berkawan gumpalan awan

Pagi, sambutlah harinya

Sambutlah dengan gayamu

Sambutlah dengan tawa, tangis,

canda, dan senyum manismu

Biarkan dia bahagia,

hembuskan aura segarmu

Biarkan dia menemuimu

Pagi, sambutlah harinya

Hari cerah untuk jiwa besarnya

Sambutlah….

Sambutlah untuk hari lahirnya

Katakan padanya, bahwa aku takut mengatakanya

Pagi, ucapkanlah padanya

“Selamat ulang tahun Ibuku, Guruku,

Sahabatku, Kawanku, Temanku.

Semoga angan dan cita-cita besarmu,

terdengar oleh jiwa-Nya.

Percayalah, Tuhan selalu menyertaimu.

Teruslah berjalan,

meski hujan badai menerjang jiwa ragamu.

Tenanglah, pasti ada jalan-Nya.

Selamat ulang tahun Ibuk,

Panjang umur, sehat, dan berkah selalu untukmu”

Pagi, katakanlah hal itu

Sambutlah dengan dekapan hangatmu

Lakukanlah…

I Love You

Hewul Speed

Ibuk

IBUK

Ibuk, entah darimana aku bertanya, dari utarakah, atau dari timur yang semakin mashur. 
Tutur lembut katamu, benar-benar bangkitkan hasratku.
 Engkau tahu, jiwaku pernah kalut, terkoyak oleh bayangan hitam, perasaan kelam yang menggetarkan perasaanku. 
Kau tahu, aku lelah, lemah, resah, dan gundah dengan semua kepahitan dalam pepatnya perasaanku. 
Ibuk, kau mampu bangkitkan nafasku, untuk menghirup udara bebas yang membesarkan hatiku. Ibuk,,, entahlah, semuanya telah Tuhan amini.
Terkadang, rasaku teramat acuh, angkuh, dan meneguhkan egoku. 
Terlebih saat tawa-tawa sumbang mengusik liku jalan yang semakin terjal. 
Ibuk, terimakasih untuk semua itu. Semua angin yang kau hembuskan pada jiwaku. 
Kau tahu, jiwaku teramat lelah, menepis dan menopang semua perasaan. 
Tapi Tuhan berkata lain, 
Dia datangkanmu untuk diriku, saat hati dan batinku benar-benar terpuruk disudutkan waktu. Tanpamu aku tak tahu. 
Ibuk, kaulah malaikat kecil yang Tuhan kirimkan untuk menuntun nafasku. 
Biarlah, kebodohanku kekal abadi, seiring pudarnya duri durian dari wewangian dunia. Terimakasihku untuk keteguhanmu. 
Ibuk. 
I Love You. Hewulspeed.

*****************

Sebuah cuitan untuk Ibuk, yang telah bersedia membantuku, mengurai kecemasan dalam hidupku. Entah bagaimana aku membalasnya, mungkin hanya segelintir coretan itu yang bisa aku ungkapkan. Terimakasih banyak telah sudi membantuku, mewujudkan harapan kecil dari kedua orang tuaku. Semoga namamu selalu mekar di benakku. 

"Teruslah berjalan, meski hujan badai menerjang jiwa ragamu. Tenanglah, pasti ada jalan-Nya"

NH

*********

cuplikan video terbangan

terbangan saking Bogelan Tegalsari Candimulyo Magelang

MANAKIPAN SAHA TERBANGAN

MANAKIPAN SAHA TERBANGAN

Manakipan inggih punika minangka kasiling ide saha gagasan ingkang kawujud dados salah satunggaling ritual budaya. Manakipan punika asring dipunlampahi rikala wanci dalu. Ritual punika biasanipun dipunlampahi wonten ing satunggaling upacara daur hidup manungsa, upaminipun wonten ing upacara mantu kaliyan supitan. Ingkang badhe kula andharaken ing ngandhap punika inggih Manakip wonten ing upacara supitan.

Ingkang dados pandhega wonten ing ritual manakipan punika inggih salah satunggaling Kyai utawi ulama. Kyai ingkang dados pandhega ugi kedah ingkang sampun Sepuh. Adicara manakipan punika menawi dipuntlesik saged dipunsebut minangka kasiling akulturasi saking Tanah Arab.

Kados andharan ingkang dipunngendikaken Bapak Sumantri bilih manakipan punika aslinipun saking tanah Arab. Manakipan punika intinipun maos serat manakip. Serat punika mungalipun saking Syeh Abul Qadir Jaelani. Kanthi makaten pramila saged dipunsebut bilih Tiyang Jawi punika sejatosipun religius sanget.

Adicara manakipan punika biasanipun ugi dipun sarengi kaliyan adicara terbangan. Terbangan punika ugi kalebet kesenian ingkang asalipun saking Tanah Arab. Punika katingal saking pirantos musikipun ingkang arupi terbang (kados genderang namung langkung alit).Kados manakipan ugi, terbangan punika ugi dipunpandhegani, sanes Kyai namung dening sesepuh. Sebutan sespuh ing mriki mliginipun ingkang sampun sepuh seserapanipun.

Inti saking terbangan punika inggih Sholawatan namung dipuntabuhi mawi terbang. Sajatosipun terbangan punika kados berjanjen (maos kitab Al Barjanji). Ingkang bentenaken inggih punika pirantos musik kalawau. Menawi wonten ing berjanjen boten wonten tabuhanipun, dene wonten ing terbangan wonten.

Terbangan punika dipunlampahi sasampunipun adicara manakipan. Kados ingkang wonten ing dalu punika, terbangan punika dipunlampahi sabibaripun manakipan, namung makaten terbangan punika ugi dados pambuka saderengipun manakipan kapurwakan.

Wonten ing dalu punika, manakipan punika ngendikakaken cariyos bab Syeh Abdul Qodir Jaelani. Ing pundi, mungalipun Syeh punika ugi saged paring safaat amargi ing pundakipun wonten bekas dlamakan saking sukunipun Nabi Muhammad rikala badhe nitih Buroq. Syeh punika ugi, mungalipun minangka salah satunggaling wayah saking Rosulullah SAW.

Sabibaripun paring wejangan bab Syeh abdul Qodir Jaelani punika, kalajengaken adicara maos kitab manakib ingkang dipunpimpin dening Bapak Sumantri. Sasampunipun maos manakip kaljengaken kanthi dedonga. Dedonga ing mriki punika dedonga kangge pribadhi kaliyan kangge ingkang gadhah kersa, mliginipun kangge putra ingkang dipunsranani mawi manakipan ing supitanipun.

Rikala dedonga ing manakipan punika, kita kasuwun ngeningaken manah saha kedah tumungkul saetu dhumateng Gusti. Sasampunipun dedonga, adicara salajengipun inggih punika ngluwari ingkang putra kanthi narik kupat luwar. Kanthi makaten, sejatosipun narik kupat luwar punika minangka pralambang bilih ingkang gadhah nadar sampun nglampahi saha nyaur nadaripun punika.

Ingkang narik kupat luwar kalawu inggih punika Tiyang Sepuhipun ingkang dipunsupit. Kanthi narik kupat luwar punika ateges adicara manakipan sampun paripurna. Dene adicara salajengipun inggih punika terbangan.

Saderengipun terbangan kalampahan, langkung rumiyin dipunwontenaken wilujengan. Wilujengan punika gadhah ancas kangge sodaqoh sarta nylamati kulawarga anggen gadhah damel punika. Sasampunipun wilujengan, terbangan punika dipunwiwiti. Ingkang dados tetunggul wonten terbangan punika inggih Bapak Parsudi.Terbangan punika tembang-tembangipun kathah ingkang sholawatan, memuji dhumateng Nabi Muhammad SAW. Bab punika amargi terbangan punika wosipunsakingkitab Al Barjanji. Kitab punika wosipun arupi sholawatan utawi memuji dhumateng Nabi Muhammad SAW punika.

Irama tabuhanipun saben tembang ugi benten-benten. Ing salebeting terbangan punika ugi wonten waosan ayat Alquran. Ingkang maos inggih punika salah satunggaling tiyang ingkang ndherek terbangan punika, inggih anggota terbangan punika piyambak, mliginipun ingkang tartil maos Alquran.

Ing terbangan wonten perangan ingkang khusus inggih punika wontening srokal utawi asring dipunsebut srokol. Wonten ing srokal punika sadaya tiyang ingkang taksih melek saha wonten papan mriku kedah jumeneng. Jumeneng punika saperlu paring pakurmatan dhumateng mandhapipun srokal. Mungalipun, manut kapitayan tiyang ingkang ndherek terbangan, rikala srokal punika dipunpracaya bilih Nabi Muhammad SAW rawuh  ing satengah-tengahing tiyang. Pramila menawi sami jumeneng punika ugi pantes sanget, amargi paring pakurmatan dhumateng junjunganipun, inggih punika Nabi Agung Muhammad SAW. Sasampunipun srokal rampung, sami lenggah malih.

Terbangan wonten dalu punika rampung tabuh 04.00. Dados terbangan punika wonten satunggal dalu betahaken wekdal kirang langkung 6 jam. Adicara terbangan punika katutup mawi donga ingkang dipunpimpin dening Bapak Parsudi, minangka tetunggul ing terbangan punika.

news feature: Manakipan, Gawe Ngluwari Anak

Manakipan, Gawe Ngluwari Anak

Magelang. Minggu 22 Desember 2013  ing dhusun Bogelan TegalsariCandimulyo Magelang  wonten adicara Manakipan. Acara punika kalampahan minangka ungkapan raos syukur saking kulawarga Nardiyono ingkang sampun kasil nyupitaken putranipun, Aziz(12). Ingkang mandhegani manakipan punika inggih Bapak Kyai Sumantri saking dhusun Giyanti Candimulyo.Manakipan punika dipunrawuhi para tangga tepalih saha sanak kadangipun ingkang kagungan kersa. Adicara punika dipuntindakaken saking tabuh 09.00 -10.00 saha kalampahan kanthi khidmat. Acara binuka mawi tausiah saha katutup kanthi donga ingkang dipunsartani medhot kupat luwar saking kulawarga Nardiyono. Miturut Bapak Sumantri, manakipan punika minangka srana ngluwari nadaripun kulawarga, dene ingkang sama rawuh kapurih nyekseni anggenipun nindakaken nadzar punika.

Sakit Kepala??? Ampun Mumet

Sakit kepala?? Ampun Mumet

Sakit kepala wonten ing tiyang Jawi asring dipunsebut mumet (pusing). Mumet punika biasanipun boten madeg piyambak. Ingkang dados jalaran mumet antawisipun amargi: (1) kekeselen (2) kengingprekawis ingkang awrat (3)kirang tilem, masuk angin, lsp. Sakit punika menawi dipunraosaken temtunipun badhe nyisahaken sanget. Pramila leres sanget wontenipun unen-unen nyegah langkung sae tinimbang ngobati. Kanthi makaten sumangga kita tansah ngupaya nyegah duginipun mumet punika. Caranipun nyegah mumet punika lumayan gampil, kadosta:

1. Sumene ingkang cekap utawi tilem kanthi teratur Kanthi sumene utawi tilem punika ateges badan kita dipunajak ngaso supados boten kekeselen. Kanthi sumene ingkang cekap badan kita boten tegang. Pramila sumene ingkang cekap punika sanget dipunbetahaken badan kita, langkung-langkung tilem ingkang teratur, kirang langkung 8 jam saben dinten.
2. Kamar utawi griya kedahipun nyengkuyung tumindak ingkang sehat, upaminipun kedah resik, serasi sarta seger hawanipun Kanthi kawontenan kamar utawi griya ingkang resik, serasi saha seger hawanipun punika, badan kita saget fresh, pikiran kita ugi badhe seger boten sumpek. Dipunsawang ing mripat ugi sakeca menawi kawontenanipun resik, serasi, saha segaer hawanipun. Pramila ligkungan ingkang kados mekaten punika trep sanget kangge ngeningaken pikir.
3. Ngekum samparan wonten toya anget sauntawis Kanthi ngekum samparan wonten toya anget punika ateges kita ngupaya nglancaraken ilining getih wonten badan kita. Toya anget punika tumraping badan kita trep sanget, amargi saged nglonggaraken pembuluh darah. Langkung-langkung ingkangwonten samparan punika, amargi kathah titik refleks ingkang wonten ing samparan kita, mliginipun wonten ing dlamakan. Pramila ngekum samparan wonten toya anget punika saged mbiyantu nyegah mumet amargi saged nglancaraken suplai darah wonten badan kita. 

 Andharan ing inggil punika caranipun nyegah duginipun mumet. Namung menawi mumet punika sampun dugi utawi mijet-mijet sirah punika pramila kedah dipunobati. Langkung prayogi menawi anggenipun ngobati mawi obat tradhisional, kados ingkang kula kutip saking buku Pemanfaatan Tumbuh-Tumbuhan Alami Untuk Kesehatan dan Pengobatan Alternatif ingkang dipunanggit dening Lembaga Penelitian Pengembangan dan Pemberdayaan Lingkungan (LP3L) wonten ing halaman 39. Anggenipun ngobati mumet punika saged dipunlampahi kanthi maneka cara, upaminipun:

1. Kanthi ndheplok jeruk pecel saha godhongipun dipuntambah lisah klapa sacekapipun kangge nggosok gulu utawi pilingan kita.
2. Godhokan kangkung ingkang dipunangge lalapan saben enjing saha sonten rikala dhahar. Anggenipun dhahar lalapnkangkung punika saged dipunlampahi 3 dinten biasanipun badhe langkung sae . 
3. Kanthi ngunjuk teh ingkang dipuncampur madu saha jeruk pecel. Campuran punika saged dipununjuk enjing saha sonten. 
4. Toya peresan kunir ingkang dipungodhog kaliyan gendhis jawi saha sarem sakedhik. Godhokan punika dipununjuk kaping kalih utawi kaping tiga sedinten.

Saking andharan ing inggil punika, pramila kita mangertos bilih mumet punika saged dipuntambani kanthi gampil. Pramila, sumangga kita tansah ngupaya gesang ingkang sehat, sumene ingkang cekap, nedha maeman ingkang bergizi, nyingkiri penggalih ingkang awrat, saha kita kedah tumungkul dhumateng Gusti Ingkang Akarya Jagad.Mugi kita tansah pinaringan kasaran saking Gusti, Amin.

CAH

Cah

Cah....

Piye kabare...

Ehm gek apa kowe

Tak teni suwe

Kok ra dibales

Nganti lek madhang

Tanduk ping pitu

Kokya rung dibales

Oh... cah...cah....cah...

Pancene wis  beda

IBU

Ibu

Ibu...

Sing gedhe pangapuramu

Aku rung isa gawe mareme atimu

Aku rung isa mbales kabecikanmu

Ibu....

Sing gedhe pangapuramu ibu...

Aku ana kene

Amarga sliramu ibu

Nek ra ana sliramu

Aku ora bakal ana kene

Ibu...

Ngapurana dosaku ibu

Ibu...

Akeh kaluputanku ibu...

Marang sliramu...

Aku...

Rung isa mbaleskabecikanmu ibu

Sing gedhe pangapuramu ibu..

ijeh jirih

Jeh jirih

Gerimis wengi iki

Marai uwas manah iki

Uwas marang slirane

Kang tansah dak awe-awe

Aku bingung

Kadya kudanan tanpa payung

Aku ndhrodhog kanyesen

Aku ijeh jirih

Nglilakakeslirane

Sing dak awe-awe kae