hawa

Sepining wengi ngemuli

Hawa adem sukma iki

Gumreget tresna ngrungkeli

Glangsarane jiwa iki

Grambyangane mendhung

Sumendhe ing pundhake langit

Gawe ndhedheting kahanan

Tinilar lintang lan rembulan

Sumuking sukma ora krasa

Atising jiwa tan dirasa

Ambeg nggejejer tan owah

Ngemat adohe esem

Esem manis kadya madu

Kang tansah winantu

Sakjroning kalbu

Tumekan hawaku celathu

“mrenea, aku kangen sliramu”