Magelang.
Minggu legi tanggal 29 september 2013
ing Dhusun Tegalsari Candimulyo Magelang
ngawontenaken pentas seni Topeng Ireng(Dayakan). Dayakan punika dipun tindakaken dening Cakra Rimba
saking dhusun Gandek ingkang dipun tanggap dening Bapak Beja ing Dhusun
Tegalsari. Pentas seni topeng Ireng punika dipunadani minangka selametan
anggenipun mitoni wayahipun.
Dayakan
punika kawiwitan saking tabuh 01.00
siang dumugi 05.00 sonten.Adicara punika
wonten gangsal babak. Babak sepisan tarian lare alit, kapindho dayak
wadon, katelu dayak ageng, lajeng dayak bocah. Adicara punika dipunpungkasi
mawi dayak Ageng. Topeng ireng punika
sansaya ngremenaken amargi wonten
ingkang ndadi. Kathah tiyang ingkang
mirsani kesenian punika, kepara ngantos uyel-uyelan.
Miturut
Pak Bejo (45) adicara punika kalampahan
minangka damel syukuran anggenipun
mitoni ingkang wayah. “Muga-muga dayakan iki isa gawe seneng para
tangga teparo lan bisa gawe srana nyelameti putuku kang genep pitung sasi” imbuhipun Bapak
Beja.
Tidak ada komentar :
Posting Komentar